A Asemblea Xeral da Asociación da Ruta do Viño Monterrei, reuniuse en sesión ordinaria para dar conta das iniciativas de comercialización e de promoción que se realizarán nas próximas semanas, despois de meses moi difíciles para o sector turístico.
A presidenta da Asociación, Lara Da Silva, destacou a necesidade de reactivar o sector na zona, e buscar as fórmulas necesaria para ofrecer un produto enoturístico estable e desestacionalizado. Para iso, fixo partícipes aos asociados da próxima creación dunha plataforma de comercialización de experiencias enoturísticas, na que están presentes as cinco roteiros do viño de Galicia, en colaboración coa Axencia Galega de Turismo. “Hoxe máis que nunca se fai necesario permitirlle aos visitantes e turistas que teñan ao seu alcance, nun único sitio web, toda a información e oferta enogastronómica dispoñible no territorio destes roteiros”. “Ademais non podemos evitar pensar que a unión fai a forza e que se poden crear sinerxias moi interesantes. O noso territorio é a porta de entrada a Galicia e en poucos meses estaremos grazas ao AVE, a menos de 2 h30’ de Madrid e debemos estar preparados para o visitante”.
Neste sentido, a empresa informática DOUS ESPAZOS, explicoulles aos asistentes, como se estruturaría a plataforma, a súa utilización e as posibilidades que a mesma ofrece a todos aqueles que decidan comercializar o seu produto neste escaparate enoturístico de Galicia.
Outras das cuestións abordadas foron as IX Xornadas de Puertas Abertas que se celebrarán a última fin de semana de outubro, ou o Plan de reactivación dos sectores culturais e turísticos fronte aos efectos do COVID-19, no que tamén se atopan os restantes roteiros galegos e a Axencia Turismo de Galicia.
Actividades complementaria da Ruta
Dous dos socios do Roteiro do Viño Monterrei, O Retiro do Conde e a adega Gargalo, promoven unha iniciativa conxunta dentro do plan de bono turísticos ofertado aos sanitarios, pola que o establecemento hostaleiro convidará os clientes do devandito bono a unha visita á adega, que á súa vez está a doar o importe das mesmas a Cáritas. “Entre outras, esta iniciativa demostra unha vez máis que en todos os sectores, incluíndo o turístico, o cooperativismo é fundamental e pode axudar a que varias entidades alcancen obxectivos frutíferos, que ademais repercute no proxecto conxunto de Monterrei, e o que é máis importante, no visitante”, conclúe a presidenta.
