A D.O. Monterrei certifica baixo o seu selo de calidade a súa nova adega, “Father 1943”

A sede da entidade acolleu unha reunión do Comité de Certificación da Denominación de Orixe Monterrei, co obxectivo de avaliar a certificación dunha nova adega dentro do territorio vitivinícola de Monterrei.

Constatado por  comité de certificación que esta nova adega cumpre todos os requisitos necesarios, a adega Father 1943 (Rectoral del Monaguillo, S.L.) (situada en Vilamaior, Verín) passa a certificar os seus viños baixo a tipoloxía de viño branco Monterrei. 

Con esta incorporación son xa 30 as adegas rexistradas e certificadas pola Denominación de Orixe Monterrei, que abarca os concellos de Verín, Monterrei, Vilardevós, Riós, Oímbra, Castrelo do Val, Laza e Cualedro.  Os viñedos desta D.O. ocupan un total de 852 hectáreas de terreo, nas que traballan 397 viticultores.