A sede do Consello Regulador da Denominación de Orixe Monterrei acolleu, esta mañá, a Cata de Cualificación da Colleita 2019.
Nesta cata participaron representantes de asociacións profesionais e do panel oficial da denominación, que cualificaron como “moi boa” a anada 2019 dos viños de Monterrei. Devandito equipo de cata destacou: “en brancos, a diversidade orixinada nos viñedos pola mestura de variedades, balanceando recordos de froitas e flores, con frescura de carácter oceánico propio da anada; mentres que en tintos, unha óptima maduración dando lugar a viños con aromas propios dos varietales da denominación”.
Co obxecto de valorar a presente colleita, unha representación proporcional de viños da denominación someteuse ao xuízo do panel. Ditas mostras foron analizadas por cada un dos catadores, que realizaron unha valoración “a cegas” de todas elas, para manter así criterios de obxectividade ao tratarse de mostras anónimas. A nota final ha resultado do cálculo da media das puntuacións concedidas por cada catador a cada unha das mostras, incluíndo neste cálculo tanto as referencias de brancos como de tintos. Finalmente, esta puntuación trasladouse a unha táboa de correspondencias onde se obtén a cualificación de colleita.
No panel de cata desta mañá, que foi recibido pola presidenta do Consello Regulador Lara Da Silva, participaron os seguintes expertos:
- Alejandro Paadín (Vicepresidente de la Asociación de Sumilleres de Galicia “Gallaecia”)
- César González (Panel Oficial do CRDO Monterrei).
- Constantino Iglesias (Presidente da Asociación de Catadores de Galicia).
- Cristalina Álvarez (Asociación de Enólogos de Galicia).
- Eladio Osorio (Gerente Queixería RS Delicatessen).
- Luis Congil (Periodista e investigador da historia do viño).
- Rebeca André (Panel Oficial do CRDO Monterrei).
