Bilbao réndese ante os viños da D.O. Monterrei
10/11/2023
O Concello de Verín colabora coa D.O. Monterrei cun mural promocional na praza García Barbón para proclamar que é “Tempo de Godello”
16/12/2023
O C.R.D.O. Monterrei acaba de levar a cabo, en Vigo, unha Masterclass destinada a directores de compras, sumilleres, propietarios de establecementos de restauración, e prensa especializada en liña e offline.
Esta actividade dividiuse nunha sesión formativa sobre a denominación (características edafoclimáticas, variedades de uva ou tipoloxía de produto, entre outras cuestións), cata de viños elaborados en Monterrei e harmonía dos mesmos con diferentes elaboracións gastronómicas realizadas no restaurante “Maruja Limón” de Rafa Centeno.
Á devandita iniciativa asistiron Pedro Gabana (responsable de compras de alimentación da zona sur Galicia en Carrefour), Francisco Couso (coordinador de centros comerciais de Galicia en Carrefour), Víctor Jaúregui (xerente do Círculo de Empresarios de Galicia), Jesús Picallo (vicepresidente do Clúster de Turismo de Galicia), José Magaz (Asador Soriano), Teo Andrés (subdirector de Atlántico Diario), Eloy Magariños (Cadena Ser), Jose Avelaira (Vinoteca Avelaira), Carmen Fernández (redactora xefe de Vinetur), Pepe Cadavedo (programa gastronómico en TeleVigo), Juliana Picarelli (sumiller do restaurante Maruja Limón), Raquel Sánchez (redactora de Cultura Rural), María Varela (Diario de Pontevedra), Roberto Ledo (director de Diario Luso Galaico), Xaime Rodríguez (director da Escuela Hostalería Harina Blanca), César S. Ballesteros (presidente de Federación de Empresarios de Turismo e Hostalería da provincia de Pontevedra), Luis Domenech (director de Buena Pitanza), Maruxa Alfonso (redactora xefe de Somos Agro de La Voz de Galicia) ou Carlos González (Restaurante Albatros), entre outros.
As adegas participantes nesta actividade foron: Ladairo, Pazo das Tapias, Gargalo, José Luis Gómez Ibáñez (Valderello), José Antonio Da Silva Pereira (Vinos Lara), Crego e Monaguillo, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento, Manuel Vázquez Losada e Manuel Regueiro García (Serra de Alén).
“Accións promocionais como estas permítennos ter un trato exclusivo e directo cos participantes, xa non só se lles explica pormenorizadamente o territorio e as súas singularidades, senón que descobren o potencial dos nosos viños a través dunha harmonía gastronómica cos mesmos”, indica o presidente do C.R.D.O. Monterrei, Jonatás Gago García.
