A D.O. Monterrei convoca o seu concurso para seleccionar o cartel da ‘XV Feira do Viño Monterrei’
22/06/2022
A D.O. Monterrei colabora coa romaría ‘O Val do Viño’
27/06/2022
O próximo 27 de xuño, os brancos e tintos da Denominación de Orixe Monterrei formarán parte da iniciativa ‘Experiencia Verema’, que terá lugar en Santander.
Dita iniciativa está destinada a profesionais do canle HORECA (restauración, sumillería, distribución, importadores, etc.), amantes do viño e usuarios de Verema. A mesma celebrarase de 12 a 15 e de 17 a 21 horas, e permitirá achegar os viños de Monterrei ao público cántabro.
Nela, os visitantes poderán coñecer, in situ, as elaboracións das seguintes adegas rexistradas no Consello Regulador: Ladairo, Pazo das Tapias, Gargalo, Castro de Lobarzán, José Luis Gómez Ibáñez (Valderello), Crego e Monaguillo, Terras do Cigarrón, Terrae Monterrei (Adegas Terrae), Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Abeledos, Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento, Fausto Rivero Pardo (Quinta Soutullo) e Manuel Vázquez Losada. Ademais de coñecer as características do territorio (chan, clima e variedades), historia e patrimonio vitivinícola, ou a tipoloxía de viños, entre outras cuestións.
O evento, que se celebrará no Hotel Real, conforma a segunda experiencia ‘Verema’ á que asiste a D.O. Monterrei neste 2022, tras a celebrada na cidade de Valencia.
