A D.O. Monterrei supera os 6,2 millóns de quilogramos de uva na campaña 2021
18/10/2021
Máis de setenta participantes na última acción promocional da D.O. Monterrei en Ferrol
29/10/2021
O próximo 27 de outubro, os brancos e tintos de Monterrei estarán presentes nun Túnel do Viño da denominación que se celebrará en Ferrol.
O Centro Torrente Ballester será o escenario desta nova acción promocional da denominación para o 2021, que terá lugar desde as 11 ás 14 horas e entre as 17 e 21 horas. A mesma está destinada á canle da hostalería e restauración, sector da distribución, catadoras ou escolas de hostalería, entre outros.
Cumprindo coas medidas hixiénico-sanitarias esixidas, durante esta actividade os asistentes poderán coñecer aspectos como a historia e cultura vitivinícola de Monterrei, variedades de uva, características de chan e clima ou diferentes tipoloxías de viño. Ademais, terán a oportunidade de descubrir o produto que se elabora na denominación, da man das 21 adegas participantes: Ladairo, Pazos del Rey, Pazo das Tapias, Gargalo, Castro de Lobarzán, José Antonio Da Silva Pereira (Vinos Lara), José Luis Gómez Ibáñez (Valderello), Crego e Monaguillo, Quinta do Buble, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Abeledos, Tabú, Franco Basalo, Alba Al-Bar (Daniel Fernández), Trasdovento, Fausto Rivero Pardo (Quinta Soutullo) e Manuel Vázquez Losada.
Para participar no Túnel de Viño da D.O. Monterrei en Ferrol será necesario confirmar asistencia no teléfono 678 577 933 ou info@paadin.es, xa que as prazas son limitadas.
