A D.O. Monterrei finaliza a vendima con 6,5 millóns de quilos de uva recollidos
14/10/2022
I Festa da Vendima da Vila de Monterrei
20/10/2022
O luns 17 de outubro, os tintos e brancos da Denominación de Orixe Monterrei formarán parte da iniciativa ‘Experiencia Verema’, que terá lugar en Alicante.
Dita iniciativa está destinada a profesionais do canle HORECA (restauración, hostalería, sumillería, distribución, importadores, etc.), amantes do viño e usuarios de Verema. A mesma celebrarase de 12 a 15 e de 17 a 21 horas, e permitirá achegar os viños de Monterrei ao público alicantino.
Nela, os visitantes poderán coñecer, in situ, as elaboracións das seguintes adegas rexistradas no Consello Regulador: Ladairo, Pazos del Rey, Gargalo, Castro de Lobarzán, Crego e Monaguillo, Quinta do Buble, Terras do Cigarrón, Triay Adegas de Oímbra, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Abeledos, Pazo de Valdeconde, Tabú, Franco Basalo, Alba Al-Bar (Daniel Fernández), Trasdovento, Fausto Rivero Pardo (Quinta Soutullo), Manuel Vázquez Losada e Manuel Regueiro García. Ademais de coñecer as características do territorio (chan, clima e variedades), historia e patrimonio vitivinícola, ou a tipoloxía de viños, entre outras cuestións.
O evento, que se celebrará no Hotel Alicante Golf, conforma a terceira experiencia ‘Verema’ á que asiste a D.O. Monterrei neste 2022, tras a celebrada en Valencia e Santander.
