Monterrei, a primeira denominación de orixe vitivinícola galega cun décimo de Lotería Nacional
16/02/2023
Os viños de 14 adegas da D.O. Monterrei participarán en Prowein
15/03/2023
Esta tarde tivo lugar, na sede do Consello Regulador da Denominación de Orixe Monterrei, a sesión constitutiva do pleno deste organismo. No mesmo designouse a Jonatás Gago García como novo Presidente do C.R.D.O. Monterrei.
Esta sesión foi presidida por José Luis Cabarcos Corral, director da Axencia Galega da Calidade Alimentaria (AGACAL), actuando como secretaria Natalia González Rodríguez. A sesión plenaria deu comezo coa toma de posesión dos vogais electos e proclamados pola Xunta Electoral. O director de AGACAL foi o encargado de entregar as credenciais aos vogais Lara Da Silva Rodríguez (representante de Gestión Vitivinícola, C.B.), Aníbal Blanco Núñez e Asunción Rodríguez Zarraquiños (representante de Viticultura Monterrey, S.L.). Todos eles polo sector produtor (Censo A). No Censo B (industrial) como vogal do Subcenso B1 atópase Manuel Vázquez Losada, e xa no Subcenso B2, Amadeo Salgado Cid (representante de Bodega Pazo de Valdeconde, S.L.) e José Fernando Boo Paradela (representante de Bodega Abeledos, S.L.). Por último no sector cooperativo (Censo C), entregóuselle a credencial a Miguel Ángel Tubio Fernández (representante de Terras do Cigarrón, S.L.).
A continuación, sometéronse a votación as candidaturas para a presidencia e vicepresidencia, resultando Jonatás Gago García e Manuel Vázquez Losada, como Presidente e Vicepresidente, respectivamente.
Jonatás Gago García é diplomado en Educación Infantil e licenciado de Psicopedagoxía (ambas as pola Universidade de Vigo); e profesor de Educación Infantil, desde o ano 1999, no Colexio María Inmaculada de Verín. Será a oitava persoa que presidirá a entidade. “Agradezo o apoio outorgado polo sector vitivinícola para confiar na miña persoa para este cargo, e principalmente, o da miña esposa que me animou en aceptalo”, destaca o novo presidente. Ademais indica “que afronta o reto con moita ilusión e compromiso con Monterrei”.
