A D.O. Monterrei presenta en Madrid a nova anada das súas Godellos e Mencías
21/05/2025
A D.O. Monterrei presente en ‘Galicia Wines and Augardentes Festival’ en Copenhague
28/05/2025
A Denominación de Orixe Monterrei celebrou en Madrid unha nova presentación profesional na que participaron 19 adegas da zona. Nesta ocasión, non só puidéronse catar os brancos elaborados con Godello, senón tamén os tintos de Mencía e outras referencias que confirman a riqueza varietal do territorio.
Aínda que a D.O. Monterrei foi recoñecida oficialmente en 1994, conta cunha tradición vitivinícola que se remonta a séculos atrás. Boa proba diso é o grupo escultórico romano Dionisos e Ampelos, achado na vila romana da Muradella en Mourazos (Verín) e conservado no Museo Arqueolóxico de Ourense.
Durante o evento puidéronse catar os viños das seguintes adegas: Ladairo, Pazo das Tapias, Gargalo, Castro de Lobarzán, José Luis Gómez Ibáñez (Valderello), Crego e Monaguillo, Terras do Cigarrón, Triay, Pazo Blanco Núñez (Tapias Mariñán), Fragas do Lecer, Vía Arxéntea, Abeledos, Pazo de Valdeconde, Tabú, Alba Al-Bar (Daniel Fernández), Fausto Rivero (Quinta Soutullo), Manuel Vázquez Losada, Alejandro Ramón Blanco Dijkhoff (Ramón Bigotes) e Terra de Godello.
Unha vez máis, os viños de Monterrei (Godellos, Mencías e blends de variedades autóctonas) demostraron que son ideais para acompañar calquera prato e tamén perfectos para o terraceo de verán.
Aínda que predominan os monovarietales de Godello e Mencía, algunhas adegas optaron por mostrar outras referencias que inclúen coupages de uvas brancas autóctonas de Galicia que achegan matices e aromas diferentes, como no caso dos brancos, os Godello con Treixadura, Dona Branca ou Albariño.
En canto aos tintos, os viños presentados por Monterrei sorprenderon a profesionais do sector polo seu carácter fresco e moi sutil, o que amplía as posibilidades de mercado desta denominación de orixe coñecida polos populares Godellos, xa que os viños tintos galegos tamén son perfectos para o verán.
Por iso, algunhas adegas mostraron os seus tintos coupages de Mencía con outras variedades como Sousón, Caíño Tinto e Araúxa.
“Esta anada é unha das mellores que hai, tanto por climatoloxía como pola utilización de fitosanitarios. É unha anada espectacular. Traemos a esta praza tan importante como é Madrid brancos e tintos de gran calidade. Monterrei é sinónimo precisamente diso, de calidade, e contamos con viños que falan por si sós”, destacou Gonzalo Losada, xerente da D.O. Monterrei.
Fronte a outras rexións galegas máis atlánticas, Monterrei conta cun clima máis continental e unha gran diversidade de chans, que van desde pizarrosos a graníticos. Esta combinación permite elaborar viños con maior estrutura e capacidade de garda, sen perder frescura. No caso dos tintos, os Mencías de Monterrei destacan polas súas notas de froitas vermellas e negras, acidez equilibrada e boa evolución en botella.
O evento en Madrid reafirma o compromiso da D.O. Monterrei coa calidade e cunha viticultura que respecta a súa orixe e aposta polo futuro. A boa acollida desta edición reforza a súa posición como unha denominación en constante crecemento, con viños que conectan cos consumidores e profesionais do sector pola súa autenticidade, frescura e versatilidade.
En canto aos plans de expansión, Losada comenta que a presenza de Monterrei é principalmente nacional, “aínda que nos últimos anos as exportacións no mercado internacional, como Reino Unido, Suíza ou Estados Unidos, creceron de maneira exponencial grazas á gran aceptación dos viños de calidade”.
Bo síntoma da súa boa saúde é que entre o 08 ao 10 de agosto celebrarase, unha vez máis, a Feira do Viño de Monterrei, que chega ao seu décimo oitava edición. Volverá ser un evento destinado a todos os públicos, con realización de actividades enogastronómicas, como catas ou showcookings, actuacións musicais, talleres infantís ou os stands das adegas onde se poderán degustar os tintos e brancos de Monterrei.
