Máis dun centenar de participantes na última acción promocional da D.O. Monterrei na Coruña
29/03/2021
Os viños da D.O. Monterrei viaxan a Lugo
19/04/2021
A sede do C.R.D.O. Monterrei acolleu, na xornada de hoxe, unha sesión ordinaria da xunta directiva da Asociación dos Consellos Reguladores Vitivinícolas Galegos e das Indicacións Xeográficas das Augardentes e Licores Tradicionais de Galicia, destinada a abordar as accións promocionais que levarán a cabo neste ano, así como todas as accións formativas que se prevén realizar durante este período.
Na mesma, na que estiveron presentes os presidentes dos CC. RR. vitivinícolas galegos e das I.X. Augardentes e Licores Tradicionais de Galicia (Juan Gil de Araújo, Juan Manuel Casares, José Manuel Rodríguez, José Luis García, José Antonio Feijóo e Lara Da Silva), tamén se abordaron cuestións relativas ao funcionamento interno da devandita asociación, creada no ano 2019, para o desenvolvemento do proxecto denominado ‘Plan de Promoción Internacional dos Viños e Augardentes Galegos amparados por denominación de orixe’ subscrita co Instituto Galego de Promoción de Empresas (IGAPE).
Dita asociación está conformada polas cinco denominacións vitivinícolas galegas (Monterrei, Rías Baixas, Ribeira Sacra, Ribeiro e Valdeorras) e Indicacións Xeográficas das Augardentes e Licores Tradicionais de Galicia.
