A D.O. Monterrei participa en Ourense Vinis Terrae 2023
02/06/2023
ABANCA e o C.R.D.O. Monterrei renovan a colaboración con estratexias para reactivar o sector
13/06/2023
O C.R.D.O. Monterrei convoca un concurso para seleccionar o cartel anunciador da ‘XVI Feira do Viño Monterrei’, que terá lugar os días 11, 12 e 13 de agosto en Verín.
Este concurso está aberto a deseñadores, pintores e artistas que poden presentar un máximo de dúas obras inéditas. O formato único será de 43 x 63 cm (en posición vertical), e a obra poderá realizarse con calquera técnica pictórica, informática e fotográfica.
Concederase un único premio de 600 euros ao cartel gañador, que será seleccionado por un xurado conformado por persoas relacionadas co mundo da arte e do deseño, así como pola Presidencia do Consello Regulador ou membros do pleno en que delegue e o Alcalde de Verín e/o persoas nas que deleguen.
Os carteis que se remitan ao concurso, enviaranse en soporte informático en arquivo .jpg ou .png en alta resolución (mínimo 300 ppp), á dirección mail infocrdomonterrei@gmail.com ou se poderán entregar na sede do C.R.D.O. Monterrei (Rúa Castelao, 10 Baixo. Verín). A data límite de recepción finaliza, ás 14 horas, do día 30 de xuño de 2023.
