Os viños da D.O. Monterrei chegan a ‘Espai Verema Valencia’

Este venres 25 de marzo, os tintos e brancos da Denominación de Orixe Monterrei formarán parte do ‘ Espai Verema’, que se celebrará en Valencia.

Esta cita está destinada a profesionais do canle HORECA (restauración, sumillería, distribución, importadores, etc.), amantes do viño e usuarios de Verema. A mesma terá un horario de 12:00 a 21:00, e permitirá achegar os viños de Monterrei ao público valenciano.

Nela, os visitantes poderán coñecer, in situ, as elaboracións das seguintes adegas rexistradas no Consello Regulador: Ladairo, Pazos del Rey, Gargalo, Castro de Lobarzán, Crego e Monaguillo, Terras do Cigarrón, Triay Adegas de Oímbra, Terrae Monterrei  (Adegas Terrae),  Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Alba Al-Bar (Daniel Fernández), Trasdovento, Fausto Rivero Pardo (Quinta Soutullo) e Manuel Vázquez Losada. Ademais de coñecer as características do territorio (chan, clima e variedades), historia e patrimonio vitivinícola, ou a tipoloxía de viños, entre outras cuestións.

O evento que se celebrará no Hotel Balneario Las Arenas contará con todas as medidas de hixiene e seguridade necesarias. Trátase do primeiro evento ‘ Verema’ ao que asiste a D.O. Monterrei neste 2022, que repetirá participación, nas próximas experiencias que se programen ao longo deste ano.