A colleita 2025 da D.O. Monterrei recibe a cualificación de “excelente”
19/07/2026
O D.O. Monterrei inicia a campaña de vendima 2026 coa recollida das primeiras uvas
17/08/2026
O 7 de agosto darán comezo as tres xornadas de celebración da XIX Feira do Viño de Monterrei, nas que está prevista a realización de actividades culturais, enogastronómicas e musicais.
A principal será a feira, que terá lugar na praza da Alameda e na que nesta edición estarán presentes as seguintes adegas: Vía Arxéntea, Crego e Monaguillo, Gargalo, Terras do Cigarrón, Manuel Vázquez – Viticultor, Father 1943, Ramón Bigotes, 3 Mentiras, Estela do Val, Ladairo, Adegas Tapias Mariñán, Adega Pazo das Tapias, Adegas Daniel Fernández, Serra de Alén, Triay, Abeledos, Setembro, Quinta do Buble e Valderello.
O horario de apertura dos stands será o seguinte: venres de 20.00 a 24.00 horas (venda anticipada a partir das 19.00 horas), sábado 9 de 12.30 a 14.30 horas e de 19.30 a 01.00 horas, e domingo 10 de 12.30 a 14.30 horas e de 19.30 a 24.00 horas.
Ademais dos stands das adegas, estarán presentes postos gastronómicos aptos para todos os padais (Cárnicas de Feces, Juan Álvarez Cortador de Jamón, Panadería Germán, Jamones Don Francisco, Varzea Açai, Luan’s, Panadería Roscas y Lolo, Taiyo Sushi, Punto Criollo, Food Truck A Leñeira e Casa do Pulpo).
A inauguración da XIX Feira do Viño de Monterrei terá lugar este venres, a partir das 20.00 horas, na praza García Barbón, e o pregón correrá a cargo da futbolista Antía Pérez, natural de Laza. Con anterioridade, ás 18.30 horas, celebrarase na Igrexa Parroquial de Verín o acto de imposición de medallas da Confraría dos Viños de Monterrei. Nesta ocasión recaerán en Vicente Rodríguez Jiménez, Enrique Fernández Pérez e José Luis Mateo García. A entrada será libre ata completar a capacidade.
Xa nas xornadas do 9 e 10 de agosto levaranse a cabo catas comentadas e showcookings dirixidos ao público adulto. Están previstas as seguintes actividades: o showcooking “Alquimia Atlántica na cociña de Monterrei 2026”, dirixido por Begoña Vázquez e Miguel López; a cata comentada “Todos os camiños levan a Monterrei. Pasado – Presente – Futuro”, conducida pola sumiller Mariña Fernández Toro; e o showcooking “Sabores auténticos: Fusión de conservas ecolóxicas con viños da D.O. Monterrei”, a cargo de José Luis Prieto e Miguel López.
Pola súa banda, e xa para o público infantil, durante a fin de semana, de 20.00 a 22.00 horas, levaranse a cabo xogos populares no interior da Alameda.
