A D.O. Monterrei convoca o seu concurso para seleccionar o cartel da ‘XVIII Feira do Viño de Monterrei’
24/04/2025
Palma de Mallorca réndese ante os viños de Monterrei
02/05/2025
A Denominación de Orixe Monterrei participará en FENAVIN (Feira Nacional do Viño), que terá lugar do 06 ao 08 de maio en Ciudad Real.
Nesta ocasión acudirase baixo o amparo da Axencia Galega da Calidade Alimentaria (AGACAL), xunto coas restantes denominacións vitivinícolas galegas, e contarase cun formato de Túnel do Viño no que se poderán coñecer trinta viños de Monterrei. As adegas participantes nesta iniciativa son Minius, Alejandro Ramón Blanco Dijkhoff (Ramón Bigotes), Ladairo, Pazo de Valdeconde, Tabú, Alba Al-Bar (Daniel Fernández), Vía Arxéntea, Crego e Monaguillo, Fragas do Lecer, Franco Basalo, José Antonio Da Silva Pereira (Vinos Lara), Manuel Regueiro García (Serra de Alén), Manuel Vázquez Losada, Pazo Blanco Núñez (Tapias Mariñán), Terra de Godelloe Triay Adegas de Oímbra.
Ademais no espazo da D.O. Monterrei tamén se ofrecerá información sobre a historia e tradición vitivinícola da zona, diferentes elaboracións, aspectos edafoclimáticos ou variedades de uva, entre outros aspectos.
Coa asistencia á feira FENAVIN, preténdese incidir sobre o sector profesional, xa que se trata dunha das feiras de referencia do viño español onde se reúne unha importante representación da hostalería, restauración e axentes compradores. A última edición contou con 1.921 adegas participantes, e pechou as súas portas con 519.807 contactos comerciais e unha estimación de negocio de 106 millóns de euros.
“A presenza nesta feira busca promover un maior coñecemento da D.O. Monterrei entre o sector profesional e incidir na procura de novas canles de distribución e comercialización, ademais de reforzar a nosa imaxe de marca”, indica o presidente do C.R.D.Ou. Monterrei, Manuel Vázquez Losada.
