ABANCA e o C.R.D.O. Monterrei renovan a colaboración con estratexias para reactivar o sector
13/06/2023
A D.O. Monterrei e o Inorde poñerán en marcha un proxecto piloto de dixitalización e optimización do manexo do cultivo nesta zona
29/06/2023
O próximo 19 de xuño, os tintos e brancos da Denominación de Orixe Monterrei formarán parte da iniciativa ‘Experiencia Verema’, que terá lugar en Santander.
Dita iniciativa está destinada a profesionais do canle HORECA (restauración, sumillería, distribución, importadores etc.), amantes do viño e usuarios de Verema. A mesma terá lugar de 12 a 15 e de 17 a 21 horas, e permitirá achegar, un ano máis, os viños de Monterrei ao público cántabro.
Nela, os visitantes poderán coñecer, in situ, as elaboracións das seguintes adegas rexistradas no Consello Regulador: Ladairo, Gargalo, Castro de Lobarzán, José Luis Gómez Ibáñez (Valderello), José Antonio Da Silva Pereira (Vinos Lara), Crego e Monaguillo, Terras do Cigarrón, Triay, Terrae Monterrei, Pazo Blanco Núñez (Tapias Mariñán), Fragas do Lecer, Manuel Guerra Justo (Vía Arxéntea), Pazo de Valdeconde, Tabú, Alba Al-Bar (Daniel Fernández), Franco Basalo, Trasdovento, Manuel Vázquez Losada e Manuel Regueiro García (Serra de Alén). Ademais de coñecer as características do territorio (chan, clima e variedades), historia e patrimonio vitivinícola, ou a tipoloxía de viños, entre outras cuestións.
O evento, que se celebrará no Hotel Real, conforma a primeira experiencia ‘Verema’ á que asiste a D.O. Monterrei neste 2023.
