Máis de setenta participantes na última acción promocional da D.O. Monterrei en Ferrol
29/10/2021
Os viños da D.O. Monterrei viaxan á Mariña Lucense
15/11/2021
Os tintos e brancos de Monterrei contarán con espazo propio na 22ª edición do Salón Internacional de Turismo Gastronómico Xantar, que se celebrará do 03 ao 07 de novembro en Expourense.
A D.O. Monterrei volverá aproveitar este evento gastronómico, a única Feira Internacional de Turismo Gastronómico acreditada polo Goberno de España, para reforzar a imaxe de marca, así como promocionar o produto que se elabora no territorio. Todo co obxecto de chegar aos diferentes sectores participantes neste foro como canle de restauración e hostalería, distribución, escolas de hostalería ou prensa especializada, entre outros. Na iniciativa do Túnel do Viño participarán, por parte da D.O. Monterrei, as seguintes adegas: Terras do Cigarrón, Ladairo, Pazo das Tapias, Fragas do Lecer, Tabú, Trasdovento e Gargalo. Así mesmo, os viños da D.O. Monterrei estarán presentes maridando os pratos elaborados con produtos de calidade de Galicia nos showcookings de Xantar.
Tamén no marco das accións promovidas en Xantar, e dentro do XVI Encontro Internacional sobre Gastronomía Saudable e Sostible, terá lugar unha cata de viños de Monterrei. A mesma será impartida polo director técnico da denominación, Luis Miguel López Núñez, o vindeiro venres 05 de novembro ás 14 horas. “ Xantar constitúe un escaparate prioritario para presentar os nosos viños, non só en catas comentadas senón a través da presenza das nosas adegas no Túnel do Viño, o que permite mostrar o traballo realizado, día tras día, polo noso sector vitivinícola e reforzar a nosa aposta pola calidade diferenciada”, recoñece a presidenta do C. R.D.Ou. Monterrei, Lara Da Silva.
