A D.O. Monterrei recibe a visita da experta Beth Willard
18/12/2025
Os viños de 18 adegas da Denominación de Orixe Monterrei estarán presentes en Prowein 2026
12/03/2026
Os viños da denominación estarán presentes na Barcelona Wine Week, que terá lugar do 2 ao 4 de febreiro. Esta é a quinta vez que se impulsa a promoción do produto amparado de Monterrei neste salón vitivinícola, que reunirá 85 selos de calidade e máis de 1.300 adegas.
Como en anos anteriores, o Consello Regulador contará cun stand propio, onde se ofrecerá información sobre as condicións do solo e do clima, os tipos de viño, as variedades de uva e as tradicións vitivinícolas, entre outros aspectos. Os visitantes do stand tamén poderán coñecer as elaboracións das seguintes adegas inscritas: Minius, Ladairo, Pazo de Valdeconde, Alba Al-Bar (Daniel Fernández), Vía Arxéntea, Crego e Monaguillo, Fragas do Lecer, Gargalo, José Antonio Da Silva Pereira (Vinos Lara), José Luis Mateo García (Quinta da Muradella), Manuel Vázquez Losada, Pazo Blanco Núñez (Tapias Mariñán), Terras do Cigarrón, Triay, José Luis Gómez Ibañez (Valderello), Abeledos, Quinta do Buble, Tabú, Terra de Godello e Pazo das Tapias.
Coa asistencia a esta feira, a entidade busca incidir no sector profesional. “Na última edición asistiron 25.700 profesionais, dos cales o 20% foron internacionais, procedentes de países como Estados Unidos, Alemaña, Canadá, Reino Unido, Países Baixos ou China”, manifesta o presidente da C.R.D.O. Monterrei, Manuel Vázquez Losada. “”Estar presentes na Barcelona Wine Week é imprescindible para os nosos viños; esta ciita impulsará o posicionamento da marca Monterrei nos mercados nacionais e internacionais, á vez que nos permitirá aproveitar oportunidades de negocio, establecer novos canais de venda para as nosas adegas e amosar o potencial dos nosos excelentes viños”, engade.
Sobre a D.O. Monterrei
A D.O.Monterrei é unha das cinco denominacións de orixe vitivinícolas galegas. Abarca os concellos de Verín, Monterrei, Vilardevós, Riós, Oímbra, Castrelo do Val, Laza e Cualedro. Comprende 29 adegas. Os viñedos desta D.O. ocupan un total de 852 hectáreas de territorio, nas que traballan 397 viticultores.
